सेतो शिखर नेपालको शान
समाज परिवर्तनमा हाम्रो नौलो अभियान

काठमाडौंलाई हराउँदै भैरहवा एभरेस्ट प्रिमियर लिग क्रिकेटको फाइनलमा

1200*120

काठमाडौं। काठमाडौं किंग्स–११ लाई हराउँदै भैरहवा ग्ल्याडिएटर्स एभरेस्ट प्रिमियर लिग (इपीएल)  क्रिकेट प्रतियोगिताको फाइनलमा प्रवेश गरेको छ ।

बिहीबार कीर्तिपुरस्थित त्रिवि क्रिकेट मैदानमा भएको दोस्रो क्वालिफायर खेलमा रोहन मुस्तफाको कप्तानीमा रहेको काठमाडौंलाई ६ विकेटले हराउँदै शरद भेषावकरको कप्तानीमा रहेको भैरहवाले ज्ञानेन्द्र मल्लको ललितपुर प्याट्रियट्सविरुद्ध उपाधि भिडन्त तय गरेको हो ।

खेलमा काठमाडौंले दिएको १०१ रनको चुनौती भैरहवाले १७ ओभरमा ४ विकेट गुमाएर पूरा गर्‍यो ।भैरहवाका लागि नेदरल्यान्ड्सका खेलाडी रायन टेन डोस्चेटले ४५ रन बनाउँदा भारतका रवीइन्दर सिंहले ३१ रनको योगदान दिए ।

यसअघि, टस हारेर पहिले ब्याटिङ गरेको काठमाडौंले निर्धारित् २० ओभरमा अलआउट हुँदै १०० मात्रै बनाएको थियो ।काठमाडौंका लागि सन्दीप रजालीले सर्वाधिक २७ रन बनाउँदा भारतीय खेलाडी प्रदीप साहुले २५ रन जोडे ।

1200*120

बलिङतर्फ भैरहवाका कुशल मल्लले ३ तथा मोहम्मद नाभिदले २ विकेट लिए । यो जितसँगै भैरहवाले ललितपुर प्याट्रियट्सविरुद्धको फाइनल भिडन्त तय गरेको छ ।

प्रतियोगिताको पहिलो क्वालिफायर खेलमा काठमाडौंलाई हराउँदै ललितपुर फाइनलमा पुगेको थियो ।फाइनल खेल त्रिवि क्रिकेट मैदानमा आउँदो शनिबार दिउँसो १ बजे हुनेछ ।

1200*120
Comments
Loading...

ट्रेन्डिङ

लोकप्रिय

1200*120