गुल्मी।
रामकृस्ण कंडेल
माघे सक्रान्ति मेला ०७५तथा बिबिध सॉस्कृतिक कार्यक्रम गुल्मीको दजाकोटमा शुरू भएको छ।”आफ्नै भाषा,कला,संस्कृति पहिचान,संरक्षण,प्रबर्र्धन र बिकास हाम्रो अभियान”भन्ने मूल मन्त्रका साथ मेला शुरू गरिएको छ।नेपाल मगर संघ,मुनपा ४ कार्यक्रम आयोजकको रूपमा रहेको छ।
कार्यक्रम लाई सम्बोधन गर्दै कार्यक्रमका प्रमुख अतिथि नेपाल मगर संघ,गुल्मीका संस्थापक अध्यक्ष तथा बर्तमान केन्द्रिय सल्लाहकार सदस्य बालसिड.काऊछा मगरले कार्यक्रमको उद्घाटन पश्चात संबोधनको क्रममा कार्यक्रममा उपस्थित सबै लाई माघी पर्बको शुभकामना ब्यक्त गर्दै अगाडि भन्नु भयो”यो पर्ब सबै हिन्दुहरुको सॉस्कृतिक एबम धार्मिक जीवनको अभिन्न अङ्ग बनोस । सामाजिक सद्भाव, आफन्त बीच बैरभावको अन्त्य, पवित्रता, सत्यता, निस्कपटता, त्याग एवम शारीरिक शुद्धताको सन्देशका साथ माघे सक्रान्ती मनाऔं। अरुको अन्धाधुन्ध अनुकरणमा आधुनिकता खोज्नु भन्दा आफ्नो बिरासदमा गर्व गरौ।”
रास्ट्रिय कलाकार दिपक परियारको सालैजो,पन्चेबाजा लगायतका सॉस्कृतिक प्रस्तुतिले दर्शक हरू लाई भरपुर मनोरन्जन प्राप्त भएको थियो।संस्कृति को साथ साथै जनजातिको सांस्कृतिक महत्व झल्किने सालैजो,सोरठि लगायतका वामी मालारानीका प्रस्तुति हरू आजको कार्यक्रमका बिशेष आकर्षण बने।८३ बर्षिय खड्ग बहादुर घर्ति मगरले नेतृत्व गरेको वामी मालारानी को समूहको बिशेष सॉगितिक प्रस्तुति लाई सबै दर्शक हरूले निकै मन पराएको देखिन्थ्यो।आयोजकको तर्फ बाट पनि निकै आकर्षक सॉगितिक प्रस्तुति हरू कार्यक्रमको बिच बिचमा दे खाईएको थियो।अधिकांस दर्शक,कलाकार हरू मगर संस्कृति झल्किने पोशाकमा उपस्थिति रहेको मेला सांगीतिक मावलमा मनोरंजनात्मक दिन बनेको थियो
माघे संक्रान्तिको दिन घ्यू चाकु, तरुल लगायतको परिकार खाने प्रचलन रहेको छ ।शास्त्र प्रमाण अनुसार सूर्यदेव धनु राशी बाट मकर राशीमा प्रवेस गरेसगै देवताको दिन उत्तरायण प्रारम्भ हुन्छ । सूर्य देव सम्पुर्ण वैरभाब त्यागी शनिदेवको घरमा प्रवेश गरेको दिन, भगिरथद्वारा लोक पावनी गङ्गा माताको अबतरण भएको दिन तथा महाभारतको लडाइँमा शरसय्यामा मृत्यु पर्खिएका भिष्मले मुक्तिको लागि इच्छा मृत्यु वरण गरेको पवित्र दिवसको रुपमा हजारौं बर्षदेखि मनाइदै आएको पर्व हो यो।
दजाकोट लगायत गुल्मीका बिभिन्न स्थानहरू बाट दर्शक हरूको उल्लेखिनीय उपस्थिति रहेको यस कार्यक्रममा अगामी दिनमा पनि दर्शक हरूको निकै उल्लेख्य उपस्थिति रहने अनुमान आयोजकले गरेको छ।”माघ१गतेको कार्यक्रममा प्रत्यक्ष , अप्रत्यक्ष उपस्थित भएर साथ दिनु हुने सबैमा धन्यवाद दिदै आजको कार्यक्रम भब्यताका साथ सम्पन्न भएको र २गतेको कार्यक्रममा पनि दर्शक हरूको साथ पाउने”कार्यक्रम आयोजक सदस्य तथा बिधार्थि नेता पशुपति छन्तेलले हामी संगको कुराकानीमा बताऊनु भयो।
नेपाल मगर संघ,मुसिकोट नगरपालिका वडानं४,दजाकोट,गुल्मी द्वारा आयोजित माघेसंक्रान्ति मेला २०७५’मेला’कार्यक्रमको सभापतित्व संस्थाका अध्यक्ष दुर्गा बहादुर राकसकोटी मगरले,स्वागत मनतब्य सूर्य बहादुर राकसकोटी मगरले गर्नुभएको थियो भने कार्यक्रमको सन्चालन चुराबहादुर छन्तेलले गर्नु भएको थियो।