काठमाडौ, मानव तस्करीको आरोप लागेर विवादमा परेकी अस्ट्रेलिया लागि नेपाली राजदूत लक्की शेर्पाले राजीनामा दिएकी छन् ।
शेर्पाले मंगलवार परराष्ट्र मन्त्रालयमा राजीनामा बुझाएकी हुन् । परराष्ट्र मन्त्रालयले गरेको छानबिनका आधारमा सरकारले शेर्पालाई राजीनामा दिन दबाब दिएको थियो ।
मानव वेचविखनमा संलग्न रहेको आरोप लागेकी राजदूत शेर्पाविरुद्ध सरकारले छानविन समिति बनाएर अनुसन्धान भइरहेको जनाएको छ । परराष्ट्र मन्त्रालयले राजदूत शेर्पालाई काठमाडौँ बोलाएर स्पष्टीकरण लिएको छ । उनका पूर्व सवारी चालक एवं भान्छे वाङछु शेर्पाले राजदूत दम्पति मानव वेचविखनमा संलग्न रहेको आरोप लगाएपछि लक्की शेर्पा विवादमा तानिएकी थिइन् ।
तर राजदूत शेर्पाले भने आफू विरुद्ध लगाइएको आरोप खण्डन गर्दै आएकी छिन् ।