भारतले दोस्रो एकदिवसीयमा न्यूजिल्याण्डलाई ९१ रनले हराएको छ । यससँगै पाँच म्याचको सिरिजमा भारतले २-० को अग्रता लिएको छ ।
भारतले दिएको ३२५ रनको लक्ष्य पछ्याएको न्यूजिल्याण्डले ४० ओभरमा सबै विकेट गुमाएर २३४ रन मात्र बनाउन सक्यो । उका डग ब्रेसवेलले ५७ रन बनाए ।
न्यूजिल्याण्डका ब्याट्सम्यानहरु एक पटक फेरि स्पीनर कुलीप यादवको घुमेको बलको जालमा फसे । उनले पहिलो एकदिवसीयमा जस्तै चार विकेट लिए ।
युजवेन्द्र चहल र भुवनेश्वर कुमारले २-२ किटे लिए ।
यसअघि पहिले ब्याटिङ गरेको भारतले ५० ओभरमा ४ विकेट गुमाएर ३२४ रन बनाएको थियो ।
भारतका रोहित शर्मा र शिखर धवनले राम्रो सुरुवात दिलाए । पहिलो विकेटका लागि १५४ रनको साझेदारी गरेका गरेका रोहितले ८७ र धवनले ६६ रन बनाए ।
अन्तिम चार ओभर दुई बलमा केदार जाधवसँग ५३ रनको साझेदारी गरेका महेन्द्र सिंह धोनी ४८ रनमा नटआउट रहे । जाधव २२ रनमा अविजित रहे ।