पूर्वाञ्चल विश्वविद्यालय : आर्थिक लेनदेनका आधारमा उत्तर पुस्तिका जाँचियो

प्रहरीका अनुसार यी दुवैले मिलेमतोमा विद्यार्थी पहिचान गर्ने, उनीहरुसँग पैसाको बार्गेनिङ गर्ने र पैसा पाएपछि उत्तर पुस्तिकाको खाली भागमा उत्तरहरु थपेर विद्यार्थीलाई पास गराइदिने काम गर्थे। अनुसन्धानका क्रममा भाटले कपीको फोटो खिचेर विद्यार्थीहरुको पहिचान गर्दै भाइबारबाट पठाउँथे। अक्षर चिनेर विद्यार्थीहरुले आफ्नो कपी पहिचान गर्थे। त्यसपछि मात्रै उनीहरुबिच बार्गेनिङ सुरु हुन्थ्यो। अनुसन्धानका क्रममा प्रहरीले शाही र भाट दुवैको मोबाइल जफत गरेर मोबाइलमा भएका तस्बिर र सन्देशहरु जाँच गरेको थियो। उनीहरु दुवैको कल डिटेल हेर्दा विद्यार्थीसँग बारम्बार सम्पर्क भएको देखिन्छ।प्रहरीका अनुसार पैसाको सोझो डिल गर्ने जिम्मा भाटले लिएका थिए। सुरुवाती अनुसन्धानका क्रममा उनीहरुकरिब २५ जना विद्यार्थीसँग रकम उठाएको देखिन्छ। अनुसन्धानमा संग्लन एक अधिकारीका अनुसार अघिल्लो वर्ष पनि उनीहरुले यसैगरी विद्यार्थीबाट पैसा लिएर नम्बर चढाएका थिए।कान्तिपुर दैनिक समाचार छ l