अस्ट्रेलियन बिग बास लिगका ४ खेल खेलेर सनसनी मच्चाएका सन्दीप बङ्गालादेश प्रीमियर लिग ( बिपिएल) मा शिलेट सिक्सर्सबाट डेब्यु गर्दै २ विकेट लिन सफल भए ।
यद्यपि डेभिड वार्नरको कप्तानिमा रहेको सन्दीपको टिम भने ४ विकेटले हार्यो । १ बल बाकी छदै अन्तीममा कोमिल्ला भिक्टोरियन्सका ब्याट्सम्यान साहिद अफ्रीदिले चौका प्रहार गर्दै टिमलाइ जीत दिलाए ।
यसअघि टस हारेर ब्याटिङको निम्तो पाएको शिलेट सिक्सर्सले २० ओभरमा ८ विकेट गुमाउदै जम्मा १२७ रन मात्र जोडेको थियो । जवाफी ब्याटिङमा कोमिल्ला भोक्टोरियन्सका साहिद अफ्रीदिले उत्कृष्ट फिनिशिङ गर्दै ३९ रन बनाउन सफल भएका थिए ।
सन्दीप लामिछानेले आफ्नो पहिलो ओभर तथा टिमको आठौ ओभरमा ५ रन मात्र दिए । दोस्रो ओभरमा ३ रन मात्र दिएका उनले आफ्नो तेस्रो ओभरको अन्तीम बलमा शोहेब मलिकको विलेट लिए । आफ्नो अन्तीम ओभरको दोस्रो बलमा अनामुल हकलाइ बोल्ड आउट गरे ।