आइसीसी महिला टी–२० विश्वकप अन्तर्गत एशिया क्षेत्रीय छनोटमा नेपालले तेस्रो जित निकालेको छ । आज भएको खेलमा नेपालले हङकङलाई चार विकेटले हरायो ।
टस जितेर पहिले ब्याटिङ गरेको हङकङले निर्धारित ओभर खेल्दै ८ विकेट गुमाएर ६२ रन बनायो । नेपालका लागि नेरी थापाले सर्वाधिक ६ विकेट लिन सफल भइन् । व्यक्तिगत ४ ओभरको स्पेलमा नेरीले ८ रन खर्चिएर ६ विकेट हात पारेकी हुन् । योसँगै टी–२० क्रिकेटमा नेरी एके खेलमा धेरै विकेट लिने खेलाडीकाे सुचिमा तेस्राे स्थानमा पुगेकी छिन । नेरीकाे अाेभर सकिदा ३६ रन बनाएको हङकङले पछि २६ रन थपेको थियो ।
जवाफमा नेपालले १८ ओभर ३ बलमा ६ विकेट गुमाउँदै लक्ष्य पुरा गर्यो । नेपालको जितमा अप्सरा बेगमले २४ तथा सरिता मगरले अविजीत १६ रन बनाइन ।