आठौं राष्ट्रिय खेलकुद प्रतियोगिता हुने निश्चित नभएपनि बागलुङका विवेक जिसी र कास्कीकी पुनम गुरुङ गण्डकी प्रदेशबाट ब्याडमिन्टनका लागि छनोट भएका छन् ।
म्याग्दीको बेनीमा सम्पन्न गण्डकी प्रदेशस्तरीय ब्याडमिन्टन प्रतियोगितामा विजयी हुँदै विवेक र पुनम पाँच नम्बर प्रदेशमा आयोजना हुने आठौं राष्ट्रिय खेलकुदका लागि छनोट भएको रेफ्रि उदय अर्याललाई उद्धृत गर्दै राष्ट्रिय खेलकुद परिषद्ले जानकारी दिएको छ ।
कास्कीका विज्ञान अधिकारी, भूगोल गुरुङ र विशाल खड्का, बागलुङका राजिन खड्का, म्याग्दीका सुरेन्द्र हमाल र नवलपुरका केवल श्रेष्ठ पुरुषतर्फ छनोट हुँदा महिला तर्फ कास्कीकै याम कुमारी गुरुङ, प्रजिता गुरुङ र अन्तरा राना तथा बागलुङ्गकी सुनिता पौवी रहेका छन् । प्रतियोगितामा गण्डकी प्रदेश अन्तर्गतका ११ जिल्लाका खेलाडीहरु सहभागि भएका थिए ।