सेतो शिखर नेपालको शान
समाज परिवर्तनमा हाम्रो नौलो अभियान

सिवाइसि अत्तरिया डिपिएल क्रिकेटको फाइनलमा

धनगढीमा जारी धनगढी प्रिमियर लिग (डिपिएल) अन्तर्गत बुधबार भएको पहिलो क्वालिफायरमा सिवाइसि अत्तरियाले काठमाडौं गोल्डेन्सलाई ४१ रन पराजित गर्दै फाइनल प्रवेश गरेको छ।

टस जितेर पहिले व्याटिङ गरेको अत्तरियाले निर्धारित २० ओभरमा आठ विकेट गुमाएर १ सय १० रन बनाएको थियो। अत्तरीयाका लागि दिपेन्द्रसिंह ऐरीले सर्वाधिक ३३ रन बनाए। यसैगरी सन्नी पटेलले २८, सुबेन्दु पाण्डे १६ र जयकिसन काल्शवालाले १३ रन बनाए।

१ सय ११ रनको लक्ष्य पछ्याएको काठमाडौं गोल्डेन्सले निर्धारित १८ ओभर तिन बलमा सबै विकेट गुमाउँदै ६९ रन मात्रै बनाउन सक्यो। काठमाडौँका लागि गौरव तमोरले २६ रन बनाएपनि अरुले राम्रो प्रदर्शन गर्न सकेनन्।

बलिङतर्फ काठमाडौं गोल्डेन्सका सूर्य तामाङ र अंकित दाबसले दुई–दुई तथा रासिद खान र योगेन्द्रसिंह कार्कीले एक–एक विकेट लिए।अत्तरीयाका लागि सन्नी पटेलले ३, कमलसिंह ऐरीले र भुवन कार्कीले दुई–दुई तथा दिपेन्द्रसिंह ऐरीले एक विकेट लिए।

Comments
Loading...

ट्रेन्डिङ

लोकप्रिय