नेपाललाई ३-१ गाेल अन्तरले हराउँदै भारतमा जारी हिरो महिला फुटबलको उपाधि म्यानमारले उचालेकाे छ ।
उपाधिका लागि भएकाे खेलकाे पहिलाे हाफकाे ३४ औं मिनेटमा गाेल म्यानमारले पहिलाे गरेकाे थियाे । लिग चरणमा नेपाललाई ३-० ले पराजित गरेकाे म्यानमार फाइनलमा पनि निकै बलियाे देखिनुका साथै उसकाे बल नियन्त्रण पनि नेपालकाे तुलनामा निकै राम्राे थियाे ।
तर, पहिलाे हाफकाे इन्ज्युरी समयमा नेपालकी मञ्जली याेन्जनले गाेल गर्दै १-१ गाेलकाे स्थितिमा पुर्याइन् । त्यसपछि खेलकाे ५३ औं मिनेटमा विन तोङले दाेस्राे तथा ६३ औं मिनेटमा इ उकाे व्यक्तिगत दाेस्राे गाेलकाे मदतले म्यानमारले ३-१ गाेलकाे अग्रता बनाएकाे थियाे ।
भारतले आयाेजना गरेकाे याे प्रतियोगितामा आयोजक भारतसहित नेपाल, म्यानमार र इरान सहभागी थिए । साफ र ओलम्पिक छनोटको तयारीस्वरुप भारतले प्रतियोगिताको आयोजना गरेको हो ।