नेपाल एएफसी यू-२३ च्याम्पियनसिपको छनोट अन्तर्गत समूह ए को खेलमा नेपाल कतारसँग ५-० ले पराजित भएको छ।
जितसँगै कतारको दोस्रो चरणमा पुग्ने सम्भावना बलियो बनेको छ भने नेपाल समूह चरणबाट बाहिरिएको छ । नेपाल बाहेक यस समूहका अन्य तीनै देशले समान १-१ खेल जितेका छन्। त्यसैले दुबै खेल हारेको नेपालको सम्बावना सकिएको निश्चित भएको हो।
हिजोको खेलमा नेपालले पहिलो गोल २४ औं मिनेटमा खाएको थियो। सो गोल हसन पलाङलाई लडाएपछि प्राप्त पेनाल्टीबाट कतारले गरेको हो। सो गोल अब्दुल्ला अलहरकले गरे ।
पहिलो हाफमा १-० ले पछि परेको नेपालले बाँकी ३ गोल खेलको दोश्रो हाफमा खायो। हिजोको खेलमा नेपाललाई कतारले खुलेर खेल्न दिएन । कतारको दबाबमा परेको नेपालले हिजो रक्षात्मक खेल मात्र गर्न सक्यो।
त्यसैगरी नेपाललाई दोश्रो गोल कतारका कप्तान अल रावीले खेलको ५३ औं मिनेटमा खायो।यसैगरी ६० औं मिनेटमा कतारी खेलाडीको प्रहार रोक्ने क्रममा दिनेश राजवंशीलाई लागेको बल गोलमा परिणत भएको थियो।
यस्तै चौथो गोल नेपालले खेलको ७९ औं मिनेटमा खायो। सो गोल कप्तान रावीले उत्कृष्ट फ्रिकिकबाट गरेका थिए। नेपालले गोल काने सिलसिला अतिरिक्त समयमा पनि रोकिएन। नेपालले पाँचौ गोल अतिरिक्त समयको दोश्रो मिनेटमा खान पुग्यो
अब्दुल्ला अलहरकले मैदानको मध्यभागबाट प्रहार गरेको बल नेपाली गोलरक्षक अर्पण कार्कीले नियन्त्रण गर्न नसकेपछि नेपालले पाँचौ गोल खाएको हो ।
यस अघि यसै समूहको पहिलो खेलमा नेपाल ओमानसँग १-० ले पराजित भएको थियो।नेपालले अब अन्तिम खेल मंगलबार अफगानिस्तानसँग खेल्नेछ