एजेन्सी– सान फ्रान्सिस्को गएको एयर इन्डिया फ्लाइटका पाइलटलाई फेडरल ब्युरो अफ इन्भेस्टिगेसनका अफिसरले एयरपोर्टबाट गिरफ्तार गरेका छन् ।चाइल्ड पोर्न क्लिप डाउनलोड गरेको भन्दै उनलाई गिरफ्तार गरिएको हो । उक्त फ्लाइट दिल्लीबाट अमेरिकाका लागि गरिएको थियो ।
अमेरिका पुग्नासाथ एफबिआइले पाइलटलाई जबरजस्ती विमानबाट बाहिर उतारेर यात्रुहरुकै अगाडि हतकडी लगाइदिए । न्यूज एजेन्सीका अनुसार एफबिआइले चाइल्ड पोर्न क्लिप डाउनलोड गरेको आरोपमा पाइलटको पासपोर्ट जफत गरेका छन् । भिजा रद्द गरेर पाइलटलाई दिल्ली फिर्ता गरेको छ ।
अमेरिकामा चाइल्ड पोर्नोग्राफीलाई गम्भीर अपराध मानिन्छ । युनाइटेड स्टेट्स कोडको टाइटल १८ अन्तर्गत सेक्सशन २२५६ मा चाइल्ड पोर्न क्लिप हेर्नु अपराध मानिन्छ । भारतीय पाइलट केही समयदेखि एफबिआइको निाशानामा थिए । एजेन्सीले लगातार ती पाइलटमाथि नजर राखेको थियो ।
सोमबार फ्लाइट सान फ्रान्सिस्को पुगेपछि एजेन्सीले आफ्नो कानुनअनुसार कारबाही गरेको हो ।