सेतो शिखर नेपालको शान
समाज परिवर्तनमा हाम्रो नौलो अभियान

विश्वकप क्रिकेट : इङ्ग्ल्याण्डसंग वेस्ट इण्डिज पराजित

 इङ्ग्ल्याण्डमा जारि आईसीसी एकदिवसीय विश्वकप विक्रेट अन्तर्गत शुक्रबारको खेलमा इंग्ल्याण्डले वेष्ट इण्डिजविरुद्ध आठ विकेटको शानदार जित दर्ता गरेको छ।

इंग्ल्याण्डले टस जितेर फिल्डिङ रोजपछि पहिले ब्याटिङ गरेको वेष्ट इण्डिजले ४४ ओभर चार बलमा अलआउट हुँदै २ सय १२ रन बनाएको थियो।

उसका लागि निकोलस पोरनले सार्वधिक ६३ रन बनाए। यस्तै शिम्रोन हेटमायरले ३९, क्रिस गेलले ३६, आन्द्रे रसेलले २१ र कार्लोस वार्थवेट १४ रन बनाए पनि अन्य ब्याट्सम्यानले गतिलो प्रदर्शन गर्न सकेनन्।

वेष्ट इण्डिजलाई सस्तैमा समेट्ने क्रममा इंग्ल्याण्डका जोफ्रा आर्चर र मार्क उडले समान तीन–तीन, जोय रुटले दुई तथा क्रिस वोक्स र लायम प्लुङ्केटले एक– एक विकेट लिए।

वेष्ट इण्डिजले दिएको २ सय १३ रनको लक्ष्य पछ्याएको इंग्ल्याण्डले ३३ ओभर एक बलमा मात्र दुई विकेटको क्षतिमा लक्ष्य पुरा गरेको हो. इंग्ल्याण्डका लागि जोय रुटले शतक पुरा गरे। ९४ बल खेलेका उनले ११ चौकाको मद्दतमा नटआउट १०० रन बनाएका हुन्। यस्तै जोनी बैरस्टोले ४५, क्रिस वोक्सले ४० र बेन स्टोकले १० रन जोडे।

वेष्ट इण्डिजका शानोन ग्याब्रियलले दुई विकेट लिएपनि अन्य बलरले विकेट लिन सकेनन्।

Comments
Loading...

ट्रेन्डिङ

लोकप्रिय