विश्वकप क्रिकेट अन्तर्गत बिहीबार भएको खेलमा अस्ट्रेलियाले बंगलादेशलाई ४८ रनले हराएर शानदार जित हासिल गरेको छ ।टस जितेर पहिले ब्याटिङको निर्णय गरेको अस्ट्रेलियाका लागि सबैभन्दा पहिला मैदानमा उत्रेका थिए ऐरान फिन्च र डेविड वार्नर । पहिलो ओभरमा नै चौका प्रहार गरेर ऐरानले टिमलाइ जितको यात्रामा हिँडाएका थिए ।
वार्नरले पनि दोस्रो ओभरमा मुस्तफजुर रहमानको बललाई बाउन्ड्रीका बाटो देखाए । दुवैको शानदार साझेदारी २०.५ ओभरसम्म चल्यो । फिन्चको विकेट झारेर बंगलादेशलाई पहिलो सफलता मिल्यो । त्यबीबेला अस्ट्रेलियाको स्कोर १२१ पुगेको थियो ।त्यसपछि वार्नरलाई साथ दिन मैदान उत्रेका उस्मान ख्वाजाले उत्कृष्ट प्रदर्शन गरे । ४४.२ ओभरसम्म चलेको साझेदारीमा दुबैले मिलेर टिमको स्कोर ३०९ पुगाए ।
सबैभन्दा धेरै १६६ रन बनाए डेविड वार्नरले । १४७ बल खेलेका उनले पाँच छक्का र १४ चौकाको मद्दतले १६६ रन बनाए तर सौम्यको बलमा उनी क्याच आउट भए ।
उस्मान ख्वाजाले ८९ तथा कप्तान ऐरान फिन्चले ५३ रन बनाए । अस्ट्रेलियाले ३८१ रन बनायो । डेविड वार्नर प्लेयर अफ द म्याच बने ।बंगलादेश पनि ठूलो स्कोर पछ्याउन तयार थियो । तर उसले ५० ओभरको खेलमा ८ विकेट गुमाएर मात्र ३३३ रन बनाउन सक्यो । सबैभन्दा धेरै १०२ रन मुश्पिकुर रहीमले बनाए ।
बंगलादेशलाई पराजित गरेको अस्ट्रेलिया शीर्ष स्थानमा उक्लिएको छ ।