प्रधानमन्त्री केपी ओली शर्माले आफ्नो भनाइ संसदमा राख्न नपाएको भन्दै साँझ ५ बजे प्रधानमन्त्री कार्यलय सिंहदरबारमा पत्रकार सम्मेलन गर्ने बताएका छन् । प्रतिपक्ष दल कांग्रेसले संसदमा पहिले बोल्न पाउनु पर्ने भन्दै मंगलबार संसद अवरूद्ध गरेपछि प्रधानमन्त्री दु:खी भएका थिए । प्रधानमन्त्रीले ओलीले सम्बोधन गर्ने क्रममा प्रतिपक्षीले रोष्ट्रम घेराउ गरी विरोध गरेका थिए । प्रतिपक्षीको विरोधपछि नेकपाका एक नेताले प्रधानमन्त्री ओलीले आफ्नो भनाइ राख्न नपाएकोमा दुस्खी भएको बताए । यस्तै प्रधानमन्त्रीका प्रेस सल्लाहकार चेतन अधिकारीका अनुसार संसदमा बोल्ने वातावरण नभएको भन्दै प्रधानमन्त्रीले आफ्नो भनाइ राख्न पत्रकार सम्मेलन गर्ने भएको हो । उनले भने, ‘साँझ ५ बजे प्रधानमन्त्रील आफ्नो भनाइ राख्नु हुनेछ, उहाँले विरोधको बारेमा बोल्नु हुन्छ होला ।’
संसदमा विरोधपछि बैठक स्थगित भएको थियो । यस्तै, प्रधानमन्त्री ओलीले ट्विट गर्दै घटनाबाट आफू दुःखी बनेको बताएका छन् । बैठकमा युरोप भ्रमण र गुठी विधेयकबारे सदनलाई जानकारी गराउन नपाएको उनले उल्लेख गरेका छन् । कांंग्रेसले भने पहिले आफूले बोल्न पाउनु पर्ने माग राख्दै आएका थिए । सभामुखले प्रधानमन्त्रीलाई पहिले समय दिएपछि पेलेर जान खोजेको भन्दै कांग्रेसले विरोध गरेको हो ।