सौल दक्षिण कोरिया
राष्ट्रिय लोक तथा दोहोरी गीत प्रतिष्ठान नेपाल, कोरिया शाखाद्वारा आयोजित “मौलिक लोक गीत कार्यक्रम २०१९” भब्य रुपले सम्पन्न भएको छ ।
“हाम्रो लोक दोहोरी हाम्रो शान, प्रवासमा नेपालीहरुको छुट्टै पहिचान” भन्ने मूल नाराका साथ स्थापित प्रतिष्ठान द्वारा गर्मी बिदाको अवसर पारेर गत अगष्ट ३ तारिख आयोजित उक्त कार्यक्रम सउल दोङ्ग्देमुन स्थित दर्शन नमस्ते रेष्टुरेन्टको हलमा बेलुकी १० बजे बाट शुरु भएको थियो। नेपाली लोक संगितलाइ जीवन्तदिनु हुने अग्रज सर्जक तथा श्रष्टाहरूको सम्मानस्वरुप गरिएको उक्त कार्यक्रममा नेपाली समाजमा चालिसौँ दशकतिर गुनगुनाइने नितान्तै पुराना लोकभाकाहरु गुन्जयमान भएका थिए।
झलकमान गन्धर्व, कृष्ण गन्धर्व, जयनन्द लामा, नारायण रायमाझी, रमेश बि.जी लगायत थुप्रै पुराना सर्जकहरू द्वारा रचित रेलको ढोका बन, कुटुमा कुटु खामभने पनि, कलकत्ते काइँयो, झम्के गुलेली, दुराडाँडे दाइ, सुनकोसी पुर्व पर्यो नी, लगायतका थुप्रै कालजयी गीतहरू सुन्नकोलागि संगीत प्रेमी दर्शकहरुको बाग्लो उपस्थिती रहेको थियो नेपाली पोसाकमा सजिएका प्रतिष्ठान कोरिया शाखाकै करिब तिन दर्जन कलाकारहरुले पुराना मौलिक लोकभाकाहरुमा आफ्नो बेजोड प्रस्तुती दिनुभयको थियो।
भने कार्यक्रमको अन्तिम चरणमा घम्सा घम्सी दोहोरिमा सबैले नाचेर मनोरन्जन लिएका थिए। देश छाड्दैमा कहाँ आँफु हुर्केको पाखा पखेराहरूलाइ मायाँ मार्न सकिन्छ र, परदेशमा पैसा मात्र नभनेर आफ्नो संस्कृतिको रक्षाको लागि पनि नेपालीहरु एकजुट हुन्छन् है भन्ने यो उदाहरण दिन सकेकोमा आँफुहरु खुशी हुनुको साथै थप जीम्मेवार भयको प्रतिष्ठान कोरियाका सचिव आर.के पौडेलले जानकारी दिनुभयो। उहाँले उक्त कार्यक्रमको सफलताको लागि सहयोग गर्ने सबै संघ संस्थाहरू प्रति प्रतिष्ठान आभारी रहेको बताउनु भयो।
कोरिया शाखाले अहिले केन्द्रीय भवन निर्माणको लागी आर्थिक अभियान पनि चलाइरहेका छ। अनौपचारिक रुपमा नै बिहान चार बजेसम्म चलेको उक्त कार्यक्रमको बारेमा जानकारी प्रतिष्ठान कोरियाका अध्यक्ष जीतन भाई श्रीसले दिनुभयको थियो भने सञ्चालन सचिव आर.के पौडेलको रहेको थियो।