मिन बि क
सौल दक्षिण कोरिया ,
केहि दिन पहिले कोरियाको ख्यंगीदोको फाजुसीमा भेटीएको अफ्रिकन स्वाईन फ्लु किम्पोसीमा पनि भेटिएको छ । गत हप्ता फाजुसीका ४ ओटा बंगुर फर्महाउसमा परीक्षण गरिएकोमा फाजुसीमा २ ओटा फर्म हाउसमा स्वाईन फ्लुको जीवाणु भेटिएको थियो । स्वाईन फ्लुको जीवाणु भेटीएपछि उक्त फार्महाउस सिलबन्दी गरिएको थियो ।
पहिलो पटक भेटीएको स्वाईन फ्लुको जीवाणु भेटीएको ठाउबाट दोस्रो पटक भेटिएको ठाउँको दुरी १३. किलोमिटर रहेको छ भने अहिले किम्पोमा दोस्रो ठाउँबाट ४८.८ किलोमिटार टाढा रहेको छ । अधिकारीहरुका अनुसार यसरी टाढा टाढा भेटिएपछि देशै भरि भेटीन सक्ने संकेत दिएका छन् ।
आज बिहान ६ बजेर १५ मिनेटको समयमा किम्पोसी थोंग्जिनउपमा रहेको बंगुर फर्महाउस बाट स्वाईन फ्लुको संका गरेर किम्पो स्थित कृषि विभागमा निवेदन परेको थियो ।
रिपोर्ट लगत्तै विज्ञहरुको टोली फर्ममा पुगेर अनुसन्धान शुरु गरेको थियो । कृषि फ़र्महाउसको मालिकका अनुसार ” ४ ओटा बंगुरहरुको अचानक गर्भपात भयो भने अरु बंगुरहरुले पनि राम्रोसंग खाना खाएका छैनन” ।