सौल दक्षिण कोरिया
कोरियाको सबैभन्दा पुरानो सामाजिक संस्था स्याङ्जा परिवार दक्षिण कोरियाले गृहजिल्लामा शैक्षिक टेवाका लागि अक्षयकोष खडा गर्ने उद्धेश्य अनुरुप आयोजना गरेको ब्याडमिन्टन प्रतियोगिताबाट संकलित नाफा रकम लाई रिटर्निज कोरिया स्याङ्जा परिवार नेपालको खातामा ५ लाख २४ हजार १ सय ७० रुपैयाँ आधिकारिक रुपमा हस्तान्तरण गर्दै अक्षयकोष खडा गर्ने प्रक्रियालाई पुरा गरेको छ।
स्याङ्जा परिवार दक्षिण कोरियाका कोषाध्यक्ष खिम सिंजाली मगरका अनुसार हाल रिटर्निज कोरिया स्याङ्जा परिवार नेपाल विधिवत रुपमा संस्थागत भएको र स्याङ्जा परिवार दखिन कोरियाको सहकार्य समन्वयमा सामाजिक क्रियाकलापमा अग्रसर हुने भएकोले उक्त सस्थाको खाताम ५५ लाख, ४२ हजार, ८ सय ९१ कोरियन वोन अर्थात ५ लाख २४ हजार १ सय ७० रुपैयाँ हस्तान्तरण गरिएको जनाउनू भयो।
स्थापित स्थापित अक्शयकोक्षबाट गृहजिल्ला स्याङ्जाको सामुदायिक विद्यालयबाट प्रत्येक वर्ष एसईई परीक्षामा सर्वोकृष्ट हुने दुईजना (छात्रछात्रा) लाई सम्मानपूर्वक पुरस्कृत गरिने स्याङ्जा परिवार दक्षिण कोरियाका अध्यक्ष सुशील गुरुङले जानकारी दिनुभयो।
शैक्षिक क्षेत्रमा टेवा पुर्याउने पवित्र उद्धेश्यसँगै जोडिएको “प्रथम स्याङ्जा डबल ब्याडमिन्टन कप २०२४” लाई भव्य रुपमा सफल बनाउनका आ -आफ्नो तर्फबाट भूमिका खेल्नुहुने सम्पूर्ण प्रति आयोजक स्याङ्जा परिवार दक्षिण कोरियाले हार्दिक आभार एवं धन्यवाद व्यक्त गरेको छ ।