एजेन्सी – च्याम्पियन्स लिग फुटबलको सेमिफाइनलमा डच टोली आयाक्सले रोमाञ्चक जित हात पारेको छ । मंगलबार राति भएको खेलमा अयाक्सले इङ्लिस क्लब टोट्टनहामलाई उसैको मैदानमा १–० गोलले हराउँदै जित हात पारेकाे हाे ।
आयाक्सको जितमा भान डि विक नायक बने । उनकै गोलमा आयाक्सले सेमिफाइनलको पहिलो लेगमा टोटनहृयामलाई पराजित गरेको हो ।
विकले खेलको १५औं मिनेटमा गोल गर्दै आयाक्सलाई अग्रता दिलाए । पहिलो हाफमै अग्रता बनाएको आयाक्सले उत्कृष्ट प्रदर्शन गर्दै दोस्रो हाफमा पनि आफ्नो अग्रतालाई कायमै राख्न सफल भयो ।
क्वाटरफाइनलमा क्रिष्टियानो रोनाल्डो रहेको इटालियन टिम युभेन्टसलाई पराजित गर्दै सेमिफाइनलमा पुगेको आयाक्सले सेमिफाइनलको पहिलो लेगमा पनि दमदार प्रदर्शन गरेको हो । अब दोस्रो लेगमा पनि आफ्नो अग्रतालाई कायमै राख्न सके आयाक्स च्याम्पियन्स लिगको फाइनलमा प्रवेश गर्नेछ ।