मिस युनिभर्सको २०१८ को उपाधि फिलिपिन्सले जितेको छ। फिलिपिन्सकी क्याट्रिओना ग्रेले यस वर्षको मिस युनिभर्सको उपाधि हात पारेकी हुन्। थाइल्याण्डकको बैंककमा सोमबार बिहान भएको फाइनलमा साउथ अफ्रिका र भेनेजुयलाकी सुन्दरीलाई पछि पार्दै ग्रेले ताज पहिरिइन्। दक्षिण अफ्रिका र भेनेजुयलाका सुन्दरी क्रमश: फस्ट रनर अप र सेकेन्ड रनर अप भए। नेपालबाट प्रतिनिधित्व गरेकी मनिता देवकोटा भने टप १० बाटै बाहिरिएकी थिइन्।