मिन बि क ,
सौल दक्षिण कोरिया ,
सौल स्थित नेपाली राजदुतावासको प्राङ्गणमा छुट्टै रौनक थियो । कोरियामा रहेका गैर आवासिय नेपालीहरु , ब्यबसायिक व्यक्तित्वहरु ,कुटनैतिक व्यक्तित्वहरु ,समाजसेवीहरु, पत्रकारहरु , मजदुरका प्रतिनिधिहरु , बिद्यार्थीहरु लगाएत विभिन्न पेशामा आवद्द रहेका सयौं नेपालीहरुको उपस्थितिले भरिभराउ थियो ।
राष्ट्रिय पोशाकमा रहेका दुतावासका कर्मचारीहरु लगायत सयौं नेपालीहरुले भरिभराउ राजदुतावासको प्राङ्गणमा जब सबैले एकै स्वरमा राष्ट्रिय गीत गाइरहेका थिए त्यतिबेला यस्तो भान भैरहन्थ्यो कि लाग्छ हामी नेपालमै रमाईरहेका छौं ।
हजारौं सपनाहरु संगालेर सयौं लक्ष्यहरु चुम्नको लागी जहाज चढेर परदेश पसेका युवाहरु विभिन्न परिबन्धमा परेर बाकसमा फर्किनेहरुलाई सम्झेर १ मिनेट गरिएको मौनधारणले मन हजारौं सियोहरुले घोचेजस्तो घोचिरहेको थियो ,परदेशमा अकालमा ज्यान कसैले गुमाउन नपरोस भानिरहेथ्यो प्रत्यकको मन मनबाट ।
कोरियास्थित श्रमसहचारी डिल्लीराम बास्तोलाले स्वागत मन्तब्य दिंदै ,”बिदेशमा बसेर रहेर आर्जन गरेको सिप , ज्ञान , पुजी र अनुभवलाई र यहाँ रहेको प्रविधिलाई आ आफ्नो तर्फबाट स्वदेशमा लगेर राष्ट्रिय उद्द्येस्य परिपुर्तिमा समेत महत्वपुर्ण योगदान प्रदान गरिरहेको बताएका थिए ।
साथै चौथो संबिधान दिवसको यो पुनित अवसरले आगामी दिनमा समेत परदेशमा हामी नेपाली बिचको आपसी सद्भाव र एकता अझै कसिलो बनाउन प्रेरणा दिने बिश्वास ब्यक्त गर्दै कोरिया बसाइ सुखद रहने कामनाका साथ् सम्पुर्ण अतिथिहरुलाई स्वागत गरेका थिए ।
उपनियोग प्रमुख तथा कार्यबाहक राजदुत रामसिंह थापाले कार्यक्रममा आफ्नो शुभकामना मन्तब्य दिंदै ,नेपाल सरकारले संबिधान घोषणा गरेको दिन असोज ३ गते राष्ट्रीय दिवस मनाउने घोषणा गरेकोले हामीहरुलाई यसरी एउटै मन्चमा भेला भएर राष्ट्रीय दिवस मनाउन पाएकोमा खुशी ब्यक्त गरेका थिए ।
उनले आफ्नो मन्तब्य राख्दै ,यसै संविधानलाई टेकेर देशमा ३ तहको चुनाव हुनुका साथै स्थायी सरकार प्राप्त गरेको हाम्रो देशको एजेन्डा अब आर्थिक समृद्दी तर्फ मोडीएको बताए । बर्तमान संविधानको प्रमुख उद्द्यस्य पनि बिना भेदभाव बिभिन्न जातजाती,लिङ्ग क्षेत्र धर्म आदि सम्पूर्ण क्षेत्रलाई बिकासको मूल प्रवाहमा ल्याउने र बिकासको प्रतिफल सामाजिक न्यायको आधारमा सबै समक्ष पुर्याउने रहनुका साथै नेपाल सरकारले तिब्र आर्थिक बिकासको लागी विभिन्न पाईलाहरु चालिसकेकोले र अब नेपाली जनाताले सकारात्मक परिवर्तनहरु हेर्न धेरै कुर्नु नपर्ने बताए ।
आर्थिक परिसूचकहरुले पनि आर्थिक बिकासमा फड्को मार्ने अबस्था सृजना भएको देखाईको छ भने बिगत तिन बर्षको आर्थिक बृद्दी सालाखाला ७ प्रतिशत रहनुको साथै हामीहरु समृद्दिको यात्रामा पसिसकेको रअब पछि फर्किनु नपर्ने बताए ।हाम्रो सामाजिक आर्थिक बिकासको मूल मन्त्र ” समृद्द नेपाली सुखी नेपाली ” रहेको र यहि मन्त्रलाई आत्मसाथ गर्दै नेपाललाई गरिबीबाट निकाल्नु साथै नेपालको तुलनात्मक लाभमा पर्यटन ,कृषि ,जलस्रोत तथा पूर्वाधार बिकास पर्ने र यसका अलावा निर्यात व्यापारमा जोड दिएमा हामीले निकै छिटो फड्को मार्न सकिने बताए ।
निर्यात व्यापारमा हामी निकै कमजोर हुनुका साथै दक्षिण कोरियासँगको ब्यापार असन्तुलनलाई केहि हदसम्म सन्तुलन कायम गर्नको लागी कोरियाका ब्यबसायीहरुलाई राजदुतावासले पूर्ण सहयोग गर्ने प्रतिवद्दता जाहेर गर्नुका साथै सहकार्यको लागी अपिल समेत गरेका थिए ।
नेपालको प्रमुख उद्योग पर्यटन उद्योग रहनुका साथै पर्यटन क्षेत्रको बिकास गर्नको लागी सन् २०२० लाइ नेपाल भ्रमण बर्षको रुपमा मनाउने नेपाल सरकारको निर्णयलाई उपस्थित अथितिहरुले भरपुर सहयोग गर्ने बिश्वास ब्यक्त गर्नुका साथै कोरियामा रहेका प्रत्यक नेपालीहरुले कम्तिमा १ जनालाई स्वदेश भ्रमण गराउन सक्ने हो भने पनि भ्रमण बर्षमा लीईएको २० लाख पर्यटक भित्र्याउने लक्ष्य सफल रहने र एक जना मात्रै पर्यटक भित्रिएको खण्डमा ९ जनालाई रोजगारी सृजना गर्न सकिने बताए ।
गणतन्त्र कोरियाको बिषयमा बोल्दै रामसिंह थापाले नेपाल र कोरियाको सन् १९७४ मा स्थापना भएको कुटनैतिक सम्बन्ध स्थापना भएदेखि दुई देशबीच मैत्रीपुर्ण सम्बन्ध रहनुका साथै मैत्री, सद्भावना र आपसी सहयोगमा आधारित रहेको बताए । गणतन्त्र कोरिया लामो समय देखि हाम्रो बिकास साझेदारको रुपमा रहेको र हाम्रा प्रमुख बिकासका परियोजनाहरुमा गणतन्त्र कोरियाको सहयोग रहिआउनुका साथै नेपालमा लगानी गर्ने प्रमुख पांच राष्ट्रहरु मध्यको एक भएको उल्लेख गरे ।कोरियाको लगानीमा मुख्य गरेर औद्योगीक ,जलबिद्युत, निर्माण र सेवा क्षेत्रमा रहेको र थुप्रै संयुक्त लगानीहरु रहेको बताए । सन् २०१८ सम्ममा नेपालमा ३०० भन्दा बढी संयुक्त लगानीका परियोजनाहरु संचालनमा रहनुका साथै नेपाल र कोरियाको द्वीपक्षीय ब्यापार पनि ३ गुणा बृद्दी भएको छ भलै अत्याधिक रुपमा कोरियाको पक्षमा रहेको बताए ।
नेपाली र कोरियाबीचको सम्बन्ध थप प्रगाढ बन्दै गएको छ गतबर्ष मात्रै ३८००० कोरियाली पर्यटकहरु नेपाल भ्रमण गरेका थिए भने ,नेपाल र कोरियाबीच भएको सम्बन्धमा एपिएस प्रणाली मार्फत हाल कोरियामा ३६००० नेपाली कामदारहरु कार्यरत हुनुको साथै १००० जना नेपालीहरुले कोरियनसंग बिबाहा गरेका छन् यसप्रकारका सम्बन्धहरूले जनस्तरमा पनि सम्बन्धहरु थप प्रगाढ बन्दै गएको बताए ।
उहाँको मन्तब्य सकिएपछि नेपालको संबिधान दिवस तथा राष्ट्रिय दिवस लेखिएको केक उपनियोग प्रमुख रामसिंह थापा लगाएत कोरियामा रहेका विभिन्न संस्थाका अध्यक्षहरुको हातबाट काटेर संबिधान दिवस मनाईएको थियो । राष्ट्रियता झल्कने गरेर नेपाली पोशाकमा नृत्य प्रस्तुत गरेर मनोरंजन प्रदान गरेका थिए।। साथसाथै उपस्थित अतिथिहरुलाई नेपाली खानाको ब्यबस्था राम्रो ब्यबस्था गर्दै भब्य तथा सभ्य तरिकाले राष्ट्रिय दिवस मनाईएको थियो । बिगतका दिनमा राष्ट्रिय दिवस मनाउँदा विवादमा तानिएको राजदुताबास यो पटक भने सम्पुर्ण नेपाली समुदायलाई समेटेर राष्ट्रिय दिवस मनाउँदा नेपाली समुदायमा सकारात्मक संदेश प्रवाह गरेको छ
