विश्व फुटबलको सर्वोच्च निकाय फिफाले बिहीबार निकालेको नयाँ वरियतामा नेपाली राष्ट्रिय फुुटबल टोलीले एक स्थान सुधार गरेको छ । फिफाको नयाँ वरियतामा नेपाल एक सय १ सय ६१ औं स्थानमा रहेको छ ।
छिमेकी राष्ट्र भारत ९७औं स्थानमा छ, जुन दक्षिण एसियाली राष्ट्रमध्ये सबैभन्दा उच्च वरियता हो । नेपालभन्दा माथि रहेको माल्दिभ्स १ सय ५२औं स्थानमा छ । भुुटान, बंगलादेश, श्रीलंका र पाकिस्तान नेपालभन्दा तल छन् । भुटान १ सय ८६औं स्थानमा छ भने बंगलादेश १ सय ९२औं स्थानमा छ । त्यस्तै पाकिस्तान १ सय ९९औं स्थानमा रहँदा श्रीलंका २ सय १ औं स्थानमा छ । यसअघि नेपाल १ सय ६२औं स्थानमा थियो ।
नयाँ वरियाताको शीर्ष पाँच स्थानमा भने कुनै परिवर्तन भएको छैन । शीर्ष स्थानमा बेल्जियम छ भने विश्व विजेता फ्रान्स दोस्रो स्थानमा छ । तेस्रो स्थानमा ब्राजिल, चौथो स्थानमा क्रोएसिया र पाँचौं स्थानमा इङ्ल्यान्ड रहेका छन् ।