सेतो शिखर नेपालको शान
समाज परिवर्तनमा हाम्रो नौलो अभियान

डेल स्टेनको नाममा सर्वाधिक टेस्ट विकेटको कीर्तिमान

1200*120

एजेन्सी । डेल स्टेन दक्षिण अफ्रिकाका लागि टेस्ट क्रिकेटमा सर्बाधिक विकेट लिने खेलाडी बनेका छन् । बुधबार सेन्चुरियनमा सुरु पाकिस्तानविरुद्धको पहिलो टेस्टमा फखर जमानलाई पवेलियनको बाटो देखाउँदै उनले शान पोलोकको नाममा रहेको ४ सय २१ टेस्ट विकेटको कीर्तिमान तोडेका हुन् ।
बुधबार १९औं बल फाल्ने क्रममा जमानलाई आउट गरेपछि ३५ वर्षे स्टेनको टेस्ट क्रिकेटमा विकोटसंख्या ४ सय २२ पुगेको थियो । यसअघि पोलोकको नाममा पछिल्लो १० वर्षदेखि सर्बाधिक टेस्ट विकेटको कीर्तिमान थियो ।
नयाँ कीर्तिमान बनाएपछि स्टेनलाई रंगशालामा उपस्थित दर्शकले उठेर सम्मान व्यक्त गरेका थिए भने टिमका अन्य खेलाडीले अंगालो मारेर बधाई दिएका थिए । आफ्नो कीर्तिमान तोडिएका पूर्व खेलाडी पोलोकले स्टेनलाई ‘एउटा असाधारण खेलाडी, आक्रमणको नेता तथा पक्का च्याम्पियन’ भन्दै प्रशंसा गरे ।
‘दक्षिण अफ्रिकाले अहिलेसम्म उत्पादन गरेकामध्ये स्टेन सर्बोत्कृष्ट तिब्र गतिका बलर हुन् । उनको इतिहासले सबथोक बोलिरहेको छ । उनी राम्रा खेलाडी हुन भनेर कसैले पुष्टी गरिरहनु पर्दैन,’ पोलोकले भने, ‘सर्बाधिक टेस्ट विकेटको कीर्तिमान कायम गर्नका लागि उनी हकदार छन् । उनले दक्षिण अफ्रिकाका लागि अरु धेरै खेल जिताउनेछन् र कीर्तिमान पनि थप फराकिलो पार्नेछन् भन्नेमा म विश्वस्त छु ।’
२००४ मा पोर्ट एलिजाबेथमा इङल्यान्डविरुद्ध भएको टेस्टबाट डेब्यु गरेका स्टेनले ४ सय २२ विकेटको कीर्तिमान बनाउने क्रममा ८९ टेस्ट खेलेका छन् । २०१५ मा पिडुला तथा पाखुराको समस्यासँग जुधेका स्टेन यसै वर्षको सुरुआतमा कुर्कुच्चाको चोटबाट गुज्रिएका थिए ।

1200*120
Comments
Loading...

ट्रेन्डिङ

लोकप्रिय

1200*120